Logo der Stadt Bautzen
Die historische Innenstadt aus der Luft gesehen

Medije

Nowiny a časopisy

Ludowe nakładnistwo Domowina wudawa wšě serbskorěčne nowiny a časopisy. K nim słušeja hornjoserbski dźenik „Serbske Nowiny“, delnjoserbski tydźenik „Nowy Casnik“, měsačnik za serbsku kulturu „Rozhlad“, měsačnje wuchadźacy hornjoserbski dźěćacy časopis „Płomjo“ (delnjoserbske „Płomje“), pedagogiski fachowy časopis „Serbska šula“, časopisaj „Katolski Posoł“ za katolskich a „Pomhaj Bóh“ za ewangelskich Serbow. Sorabistiski fachowy periodikum „Lětopis“ wuchadźa tohorunja w serbskim nakładnistwje.

Ludowe nakładnistwo Domowina
Sukelnska hasa 27
02625 Budyšin
Telefon 0 35 91 / 57 70
Wuwiwa, nakładuje a rozšěrjuje serbske pismowstwo, na př. načasnu serbsku beletristiku a dźěćacu literaturu, dźěła z kulturneho herbstwa, wědomostnu a popularnowědomostnu literaturu wo Serbach, zdobom nakładuje a rozšěrjuje šulske knihi a pedagogisku literaturu.

Serbski rozhłós (MDR Landesfunkhaus Sachsen, Sorbisches Studio Bautzen)
Póstowe naměsto 2
02625 Budyšin
Telefon 0 35 91 / 4 30 66
Studio Budyšin/Serbski rozhłós wusyła wotydźenja mjez 5.00 a 8.00 hodź. w hornjoserbskej a – jako přewzaće wot sćelaka Choćebuz RBB – mjez 12.00 a 13.00 hodź. w delnjoserbskej rěči. Njedźelu a na swjatych dnjach skića so mjez 11.00 a 14.00 hodź. k połojcomaj w hornjo- a delnjoserbšćinje produkowany program.

Lausitzer Druckhaus GmbH/ Serbska ćišćernja
Hornčerska hasa 35
02625 Budyšin
Telefon 0 35 91 / 3 73 70
Specializowany zawod za serbske a němske ćišćerske wudźěłki.

Sorabia-Film-Studio / Serbska filmowa skupina
Póstowe naměsto 2
02625 Budyšin
Telefon 0 35 91 / 4 45 79
Filmowa skupina nawjerćuje předewšěm krótko- a dokumentariske filmy wo dźensnišim žiwjenju Serbow, wo wuznamnych wosobinach a ćežišćach kulturneho herbstwa. Nimo toho produkuje za RBB – Rozhłós Berlin-Braniborska – měsačny delnjoserbski magacin „Łužyca“.
Startowa strona | Sitemap Impresum Datowy škit | Tekstowa wersija Započatk strony

Straßenleben