Logo der Stadt Bautzen
Die historische Innenstadt aus der Luft gesehen

Stawizny

800 do Chr. sydlerske městna z kamjentneje doby
3. lětstotk wuchodogermanske wobsydlenje
7. lětstotk zapućowanje a wobsydlenje přez słowjanskich Milčanow
1002 prěnje dokumentariske naspomnjenje sydlišća „Budusin“
1018 Budyski měr mjez Němcami a Polakami
1231 prěnje dokumentariske naspomnjenje měšćanskeho prawa
1250 prawa swobodneje komuny
1346 załoženje Zwjazka šesćiměstow ze Zhorjelcom, Kamjencom, Lubanjom, Lubijom a Žitawu
1391 prawo na swobodnu wólbu rady
1400/1408 zběžki rjemjeslnikow
1429/1431 njewuspěšne nadběhi Husitow
1524 załoženje ewangelskeje cyrkwje w Budyšinje, tachantska cyrkej stanje so ze simultanej cyrkwju
1618 – 1648 w Třicećilětnej wójnje wospjetne wobsadźenja a zničenja (wulkej měšćanskej wohenjej 1620 / 1634)
1635 přisłušnosć k Sakskej
1707/1720 znowa wulkej měšćanskej wohenjej
1813 Bitwa pola Budyšina přećiwo Napoleonowym wójskam
1815 rozpušćenje Zwjazka šesćiměstow
1846 wotewrjenje železniskeje čary Drježdźany–Budyšin
1868 hamtske přemjenowanje Budissina na Bautzen/Budyšin
1872 nastaće prěnjeje němskeje šulskeje hwězdarnje
1888–1891 natwar noweje Marijiny-Marćineje cyrkwje při dźensnišim Awgusta Bebelowym naměsće
1897–1904 natwar prěnjeho Serbskeho domu (1945 zničeny)
1902 Budyšin dóstanje wot sakskeho krala Georga „Rietschelowe swisle“, kotrež so při wuchodnej sćěnje Měšćanskeho dźiwadla přičinja
1902–1906 natwar justicneho twarjenja
1904 Sakska krajna chłostarnja přepoda so swojemu postajenju („Žołta běda“)
1908–1909 natwarjenje Krónprincoweho mosta, dźensa Móst měra
1912 załoženje Domowiny jako třěšneho zwjazka wšěch serbskich towarstwow
1913 zagmejnowanje wsy Třělany
1917 w Budyšinje wopruja so 11 cyrkwinskich a profanych zwonow za brónjenje
1920 wotewrjenje Sprjewineje kupjele
1921 Znowawutworjenje Mišnjanskeho biskopstwa přez bamža Benedikta XV. ze sydłom w Budyšinje. Kolegiatny kapitl stanje so z katedralnym kapitlom a tachantska cyrkej swj. Pětra z katedralu Mišnjanskeho biskopstwa.
1922 zagmejnowanje wsy Židow
1925 załoženje klóštra Franciskankow wot najswjećišeho sakramenta přez biskopa Schreibera w Budyšinje (Klóšterska dróha)
1928 prěni oficielny procesion křižerjow wot Budyšina do Radworja wot kónca 18. lětstotka sem
1933 tysaclětny swjedźeń składnostnje rozšěrjenja Mišnjanskeje marki na kónčiny Milčanow, dźěla pozdźišeje Hornjeje Łužicy
1938 přesćěhanje w Budyšinje žiwych Židow a zničenje jich wobchodow we wobłuku „kristaloweje nocy“
1945 Twjerdźiznowy wutwar města jako „Festung“ přećiwo aliěrowanym wójskam před kóncom wójny. Za čas wojowanjow zničichu so něhdźe 10 % bydlenskich domow z nimale 34 % bydlenskeho wobstatka. 18 mostow, 35 zjawnych twarjenjow, 46 małozawodow, 23 srěnich zawodow so dospołnje zničichu. W Budyšinje su na woběmaj bokomaj něhdźe 6500 wojakow padnyli a (po njejednotnych statistikach) so něhdźe 350 ciwilistow morili.
1945–1950 chłostarnja při Breitscheidowej dróze (Budyšin I) słuži wobsadniskej mocy jako interněrowanske lěhwo; dopokazujomnje zemrěje tu 2714 ludźi
1956–1989 w chłostarni při Weigangowej dróze (Budyšin II) su ludźo zajeći, pola kotrychž wjedźe MfS (Ministerstwo za statnu bjezstrašnosć) přepytowanja
1966–1989 7 festiwalow serbskeje kultury
1969 wottorhanje Měšćanskeho dźiwadła (z Rietschelowymi swislemi) při Žitnych wikach a Bohatych wrotow
1973–1975 nowotwarska kónčina „Dr. Salvadora Allendowa dróha“ (1500 bydlenjow)
1974 dotwar rěčneje zawěry Budyšin
1975 nowotwar Němsko-Serbskeho ludoweho dźiwadła
1977–1987 nowotwarska kónčina Strowotna studnja (5900 bydlenjow)
1991 znowazałoženje Zwjazka šesćiměstow a załoženje „Załožby za serbski lud“
1992 wustawkowe wobzamknjenje k saněrowanju stareho města
1994 Delnja Kina a Sćijecy stanjetej so z měšćanskimaj dźělomaj Budyšina
1995 pomjenowanje na wulke wokrjesne město
1999 Mały Wjelkow stanje so z měšćanskim dźělom Budyšina
2002 1000-lětny swjedźeń prěnjeho dokumentariskeho naspomnjenja města
Startowa strona | Sitemap Impresum Datowy škit | Tekstowa wersija Započatk strony

Straßenleben